Documento Treponti 21
Contenuto
-
Titolo
-
Documento Treponti 21
-
Regesto
-
Testimonianza di [...]
-
Persone citate
-
Ansaldo Tornafotere, camparius del Comune di Savona
-
Arnaldo, cintraco e camparius del Comune di Savona
-
Bertoloto Bonanatus, camparius del Comune di Savona
-
Bonaventura de [...], camparius del Comune di Savona
-
Grimaldo, camparius del Comune di Savona
-
Guglielmo Barboratus, camparius del Comune di Savona
-
Guglielmo Garbagus, camparius del Comune di Savona
-
Guglielmo Porrus, camparius del Comune di Savona
-
Guglielmo Roçarius
-
I[...]aldus Momberreta, camparius del Comune di Savona
-
Lanfranco Lombardi
-
Panisparatus, camparius del Comune di Savona
-
Pellegrino Baia
-
Saonus Corvus, camparius del Comune di Savona
-
Trascrizione
-
[...] iur(atus), vocatus [...] titulis. Interrogatus de secundo titulo, dixit per omnia ut in titulo continetur. Interrogatus quomodo scit, dixit: «Quia egomet custodivi predicta pro comuni et hominibus Saone». Interrogatus si interfuit semper constitucioni campariorum seu guardatorum, respondit: «Non, sed per plures vices, quoniam non semper eram presens, quia per multas partes mundi ivi negociandum». Interrogatus per quam vices camparios seu guardatores predictos [...] , dixit: «Ultra XXV vices, computato uno anno cum alio. Nomina ipsorum guardatorum sunt ista: Willelmus Garbagus, Grimaldus, Willelmus Roçarius et I[...]aldus Mom[ber]reta et Bonaventura de [...] Panisparatus, Ansaldus Tornafotere, Willelmus Barboratus, Petrus Gatus, Saonus Corvus, Peregrinus Baia, Arnaldus camparius, Bonanatus camparius, Enricus Cag[nacius], Pat[...] quidam [...]se[...]s camparius, Willelmus Porcus; de aliorum nominibus non recordor; de tempore, mense, die, loco, hora et presentibus non recordor, sed fuit tempus quo consules et potestates [...] ». Interrogatus si in constitucione illa fuerunt specificata ea que debebant custodire, respondit: «Sic, quod nemus Trium Poncium deberemus custodire, ne aliquis in eo lignamen incideret et si quem lignamina incidentem inveniremus, quod ei abstulissemus illa, et scio quod ego de illo lignamine abstuli quibusdam boscatoribus de Saona qui illud faciebant causa vendendi hominibus Nauli et non recordor de nominibus ipsorum. Similiter nobis fuerat specificatum quod non permitteremus transire per straçetum Trium Poncium aliquos homines vel bestias cum grano vel sale, tamen nul-los cum predictis inde transire vidi». Interrogatus si inter ipsa confinia sunt plures res que non sunt comunis Saone, respondit: «Non quod sciam». Interrogatus si a LXX annis infra contile et iurisdicio Saone fuit marchionum seu marchionis de Guasto, respondit: «Non». De aliis interrogacionibus dixit: «Nichil». Interrogatus quot annos habet, respondit: «LX et plus et recordor annos L». Interrogatus ubi stat, respondit: «Saonam et ibi retro temporibus habitavi et iuramento teneor comuni et potestati Saone». De tercio titulo dixit per omnia sicut de secundo et de interrogacionibus idem. De quarto titulo dixit: «Scio quod fuit custodita contrata Trium Poncium tanquam propria hominum Saone per me et per predictos superius nominatos per tempora que superius dixi, sed annuatim non vidi ea que continentur in titulo nulli eunti vel redeunti prohiberi per me vel per predictos». Interrogatus si per contratam Trium Poncium consuevit esse via habilis ad eundum et redeundum pede et equo cum grano et blava et honore alio super bestiis et alio modo, ita quod pocius per vim quam de iure fiebat prohibicio transire volentibus per viam Trium Poncium, respondit: «Non». Interrogatus a quibus didicit ea que in titulo continentur, dixit: «A nullo, nisi a me metipso, qui ut supra vidi». De aliis interrogacionibus dixit: «Nichil inde scio». De quinto titulo dixit ut in titulo continetur «et eciam egomet accepi de illis qui granum ducebant [...] illud et duxi illos Sagonam». Interrogatus qui fuerunt illi quibus granum abstulit, dixit: «Lombardi, nescio de quibus partibus neque quibus nominibus vocarentur et hoc semel vidi». Interrogatus si aliquando vidit quod Saoneneses nolebant homines ire per stratam Trium Poncium et non alio iure, respondit: «Non, sed ius prohibendi habebant et nichil aliud inde scio». De sexto titulo dixit per omnia ut in titulo continetur. Interrogatus quomodo scit, dixit: «Quia nunquam vidi transire per eam carrugam aliquam vel currum et quia egomet per eam partem pluries ivi et redivi et eciam [...] per eam [...] ». Interrogatus si in contrata Trium Poncium est miliarius ille [...] Trium Poncium [...] .
(S.T.) Ego Iacobus Taraburlus notarius, precepto dicte potestatis, scripsi.
Foglio 10
TPDoc21