-
Titolo
-
Documento Treponti 17
-
Regesto
-
Testimonianza di Bruno de Morocio
-
Trascrizione
-
✠ Brunus de Morocio iur(atus), interrogatus de XIII, XIIII, XV, XVI et XVII titulis. Interrogatus de XIII titulo, dixit ut in titulo. Interrogatus quomodo scit, dixit: «Ideo scio, quia egomet ivi per illam vallem Trium Poncium et redivi et in ea boscavi: sic appellabam illud senterium et appellari audivi ab omnibus qui eum appellabant». Interrogatus si sindicus Nauli et Naulenses hostenderunt arbitris viam Trium Poncium, dixit: «Nescio». Interrogatus quam largum spacium habet via Trium Poncium que fuit ostensa arbitris per comune Nauli, quam viam intendit probare sindicus Saone appellari trasetum, dixit: «Nescio, quia numquam mensuravi eam». Interrogatus si alius locus est ille qui appellatur straçetus et alius locus est per quem vadit via Trium Poncium, respondit: «Idem est, quia non est ibi via, nisi dictum straçetum Trium Poncium». Interrogatus si cicius incipit ascendere versus Montatam ille qui vadit per Vadi per viam seu stratam Trium Poncium quam ille qui vadit per partem illam que dicitur traçetus, dixit: «Nescio ibi aliquam viam nisi straçetum sive senterium, quia supra ipsum senterium in quo sunt Tres Pontes vadit via publica qua itur ab Altari versus Saonam». Interrogatus si per locum illum qui dicitur straçetus consueverunt ire tantummodo homines et non bestie honerate, dixit: «Ita consueverunt ut modo», et <si> per viam Trium Poncium que vadit per alium locum quam per illum qui dicitur straçetus consueverunt ire homines pede et equo et bestie honerate, dixit ut supra, et si interfuit quando sindicus Nauli et Naulenses hostenderunt viam Trium Poncium arbitris, dixit: «Non». Interrogatus si aliter posset esse quam continentur in titulo, quin ipse sciret, respondit: «Non». Interrogatus unde est, dixit: «De Moroceto et ibi sto et hinc retro steti et natus fui atque nutritus». De XIIII dixit per omnia sicut in titulo continetur et scio quod quidam homines episcopi Saone cum.
(S.T.) Ego Iacobus Taraburlus notarius, precepto dicte potestatis, scripsi.
[.[...] quin ipse sciret, respondit: «Non, quia nondum [...] illos qui pro [...]re illi qui veniebant per vallem Trium Poncium et ibant vel ire volebant [ad Vahy, respondit]: «Nescio, sed scio quod quando homines veniebant a [...] ris et ab Alta[re ...] venire ad Vahy, ipsi dicebant unus alteri: "Venies tu apud Vadum per stratam Saone vel ibimus per straçetum Trium Poncium"». Interrogatus si interfuit quando fuit laboratum illud quod in titulo continetur, respondit: «Sic per tres vices; de mense, die, hora et presentibus non recordor». Interrogatus quantum temporis est quod vidit illud laborari, dixit: «Heri fuit et antea fuerat». Interrogatus a quibus vidit laborari, dixit: «A Willelmo de Morocio et Augusto et de aliis non recordor». Interrogatus si semper homines qui veniebant per vallem Trium Poncium et ibant ad Vahy ibant per quandam partem illius terre que est inter confinia que in titulo continentur, respondit: «Nescio». Interrogatus si semper remansit spacium inter dicta confinia non laboratum, per quod homines qui veniebant deversus vallem Trium Poncium ibant cum bestiis honeratis et non honeratis, respondit: «Nescio». Interrogatus si scit quod illum impedimentum quod est factum prope bedum molendini episcopi, cuius causa impediuntur homines per viam illam, est factum a parvo tempore citra, respondit: «Non, sed per totum meum recordare, quod est per annos XX et habeo annos XXX, vidi illud eodem modo quo nunc est». Interrogatus si per partem illius terre que est inter dicta confinia est terra seu via calcata et esse consuevit propter itinera que consueverunt facere homines et bestie per eam que veniebant deversus viam Trium Poncium, respondit: «Non, quia in uno anno seminatur in una parte illius terre et in alio seminatur in alia et non dimittimus spacium, nisi causa eundi ad nostros campos et forte ad ecclesiam et ad molendina». Interrogatus si interfuit quando bestie capte fuerunt, respondit: «Sic, quia bestias capere vidi et homines per partem illam euntes vulnerari vidi in terra que est inter dicta confinia». De presentibus dixit de Peregrino et Iacobo et Gandulfo; «de mense madii fuit; de die vel hora non recordor; de tempore non recordor, semel fuit: capte fuerunt a predictis». Interrogatus si bandum solvere vidit, dixit: «Non». Interrogatus si intra dicta confinia aliquid posset esse laboratum quod non fuisset, respondit: «Sic». De XV titulo dixit ut in eo continetur et de interrogacionibus dixit sicut dixerat super XIIII titulo. De XVI titulo dixit ut in eo continetur et de interrogacionibus eiusdem dixit sicut in XIIII titulo. De XVII titulo dixit: «Non vidi in eis unquam viam, nisi straçetum». Interrogatus si unquam possent ivisse homines et bestie per terras predictas, quod ipse nescivisset, respondit: «Sic, quia non semper in eis eram». Interrogatus si eo tempore, quo Quilianum erat domini Ottonis de Carreto, via ibat per predictas terras que veniebat deversus vallem Trium Poncium, respondit: «Non aliter nisi sicut modo». Interrogatus si via Trium Poncium ante fuit quam strata que vadit versus Saonam per Montem Morum, respondit: «Nescio». Interrogatus si via Trium Poncium consuevit ire per predictas terras usque quo Saonenses ceperunt eam defendere, respondit: «Nescio». Interrogatus si amonicione alicuius hoc testimonium prehibet, dixit: «Non». De condicione testium dixit sicut Quilianus. Bona sua valent lb. LX.
(S.T.) Ego Iacobus Taraburlus notarius, precepto dicte potestatis, scripsi.
