Documento Treponti 09
Contenuto
-
Titolo
-
Documento Treponti 09
-
Regesto
-
Testimonianza di Oberto Macia
-
Trascrizione
-
✠ Obertus Macia iur(atus), interrogatus de primo, secundo, tercio, quarto et quinto titulis. De primo dixit ut in eo «per annos LX et plus, quia bene recordor annos LX et habeo annos LXX». Interrogatus quomodo scit, dixit: «Quia hoc vidi per dictum tempus». Interrogatus quid vidit ipsum comune facere et homines Saone propter quod sciret ipsos tenuisse et possedisse inter ipsa confinia, dixit: «Fugare vidi inde omnes qui per eam ibant et prohiberi per homines Saone ne aliqui inde transirent». Interrogatus ubi erat quando illa talia vidit, dixit: «Ego eram tunc quandoque in Saona et quandoque in nemore ubi est straçetum sive senterium Trium Poncium». Interrogatus qua de causa scit ipsum comune et homines Saone tenuisse et possedisse inter ipsa confinia, dixit: «Iure suo, quia ius est hominum et comunis Saone». Interrogatus quid est illud quod vidit ipsum comune et homines Saone tenuisse et possedisse inter ipsa confinia, respondit: «Nemus, campos et straçetum Trium Poncium, per quod nemo audebat ire nisi forte voluntate hominum Saone et predicta tenuerunt comune et homines Saone per annos LX. Predicta a nemine didici nisi a me, quia, ut supra dixi, hoc vidi». Interrogatus quid est libere tenere et possidere, respondit: «Esse dominus alicuius rei». Interrogatus si inter dicta confinia sunt vie publice et plura loca sacra et religiosa et litus maris et possessiones aliarum personarum quam Saonensium, que omnia comune Saone et homines Saone non tenuerunt nec possederunt, respondit: «Nescio, nisi aliqua loca sacra vel religiosa ibi sunt seu ecclesie, omnia que non sunt de iurisdictione Saone». Interrogatus si comune Saone per se vel per homines Saone per se tenuit et possedit vel tenuerunt et possederunt [prout in titulo continetur, respondit: «Bene] scio et certus sum quod comune Saone et homines Saone comuniter tenuerunt [...] per dictos [...] et ea tenent et possident [...] [...] [...] [...] illi camparii [...] id debent custodire straçetum sive senterium Trium Poncium quod nullam mercatantiam vel [...] honore vel [...] ». [Interrogatus si a sep]tuaginta annis infra contile et iurisdicio Saone fuit marchionum seu marchionis de Guasto, dixit: «[Non], quia per totum tenebant [...] comune et homines Saonenses libere et quiete sine alicuius contradicione et numquam vidi aliquid fieri in Saona pro marchionibus aliquibus vel aliquo marchione». De tercio titulo dixit per omnia ut in eo continetur «per LX annos» et de interrogacionibus dixit per omnia sicut in secundo titulo. De quarto titulo dixit per omnia ut in titulo continetur. Interrogatus quomodo scit, dixit: «Quia hoc vidi et audivi». Interrogatus a quo vel a quibus eam contratam tanquam propriam hominum Saone vidit custodiri, dixit: «Nescio, sed camparii erant qui pro comuni Saone illuc ibant ad custodiendum predicta». Interrogatus quo loco erat quando dictam contratam sic vidit custodiri, dixit: «Ego eram in Saona». Interrogatus qui fuerunt illi et quot quibus prohibitum fuit ne transirent per contratam Trium Poncium, respondit: «Nescio, sed omnibus fuit prohibitum per Saonenses ne perinde transirent tam Naulensibus quam aliis». Interrogatus si per contratam Trium Poncium consuevit esse via habilis ad eundum et redeundum pede et equo cum grano et blava et alio honore super bestiis alio modo, ita quod pocius per vim quam de iure fiebat prohibicio transire volentibus per viam Trium Poncium, respondit: «Non, quia in contrata Trium Poncium numquam fuit via, nisi senterium sive straçetum». De quinto titulo dixit ut in eo continetur et de interrogacionibus dixit sicut de secundo. Interrogatus si ipse testis est bone fame, dixit: «Credo. Bona mea valent lb. DC ian(uinorum) et plus. Non sum fur pactus vel condempnatus de furto vel iniuria; non sum incendiarius neque excomunicatus neque condempnatus tutele pro socio vel mandato. Non perhibeo hoc testimonium hodio vel amicicia, precio nec precibus, sponte quantum pro iure utriusque manutenendo ad hoc testificandum accessi. Non spero inde habere proficuum vel dampnum, sed volo quod Deus det racionem illi qui eam debet habere. Civis Saonensis sum et ut supra dixi de compagna comunis Saone teneor. Liber homo sum; in anima mea iuravi».
(S.T.) Ego Iacobus Taraburlus notarius, precepto dicte potestatis, scripsi.
Foglio 05
TPDoc09