Documento 40.07
Contenuto
-
Titolo
-
Documento 40.07
-
Data
-
1198, luglio 6
-
Regesto
-
Solenne trattato di alleanza e di reciproca difesa tra i cittadini di Savona e gli uomini di Noli.
-
Lingua
-
Latino medievale
-
Trascrizione
-
« Anno a natiuitate domini nostri ihesu xpi Millesimo centesimo nonagesimo octauo. Indictione prima. die sexto iulii exeuntis. In xpi nomine amen. Hec est concordia inter Saonenses et Naulenses. quod bona fide sine fraude et malo ingenio debent inter se perpetuo pacem tenere et se ad inuicem adiuuare de guerris omnibus et de omnibus aliis factis. Quas guerras et que facta pro communi locorum habebunt contra omnes homines et facere debent guerram vnusquisque predictorum locorum de domo sua et de locis omnibus ubi habent posse. excepto contra Imperatorem. et contra comune Ianue. et ab illis debent se adiuuare in omnibus.
Saonenses uero non debent mouere molestiam Naulensibus de sua parte Signi quam possident. nec eos inde placitare. nec de hiis que pertinent ad suam partem castellanie Signi. Preterea non debent facere pacem uel treguam seu guerram recredutam sine communi uoluntate utriusque comunis. per libram et soldum debent expendere in guerris et in factis. corum comunibus. que spectant et spectabunt ad comune utriusque loci. Si uero de rebus inter utrumque comune ablatis seu de possessionibus impeditis foret controuersia inter eos. debent eligere duos arbitros ex parte Saonensium et duos ex parte Naulensium. qui infra mensem unum bona fide audiant et diffiniant causam. Si autem arbitri de iusticia fuerint discordes inter se. teneantur eligere Sapientem unum cuius consilio adquiescant. et causam diffiniant mediante iusticia. aut per concordiam si partibus placuerit quod causa per concordiam diffiniatur. Non erunt in consilio uel in facto quod comune Saone uel comune Nauli perdat sua iura fraudolenter seu per forciam. Si uero deus dabit quod comune Saone et comune Nauli facerent conquistum super aliquam uel super aliquas extraneas personas uel super aliquem locum teneantur diuidere terram et terras et robam per libram et soldum et per personas. Si autem Saonenses uel Naulenses fecerint aut facere uoluerint aliquam forciam super suum posse. et aliqua persona uel persone uoluerint eis contradicere teneantur bona fide adiuuare se ad inuicem. a principio usque ad finem. Si uero aliquis predictorum locorum quod deus aduertat guerram haberet. libere possit uti foro. alterius loci de rebus victualibus dum guerra durauerit. Si uero potestas aut consules Saone et Nauli qui pro tempore fuerint uoluerint facere vindictam aut iusticiam de aliquo maleficio. uel aliqua de causa. et aliqua persona uel persone fuerint rebelles potestati aut consulatui teneantur ad inuicem bona fide pro communi istorum locorum adiuuare se ad inuicem ad supplendam vindiClaude ha risposto: ctam in ordinacione potestatum uel consulum qui pro tempore fuerint.ctam in ordinacione potestatum uel consulum qui pro tempore fuerint. Et pro hoc concordio (sic) et iuramentis uult Comune nauli esse in societate et compagna albinganen. et hominum portus. ut sicut comune albingane et portus et homines eorum comuni Saone tenentur. et ita comuni nauli teneantur. et eodem modo. sicut comune Saone et homines eius tenentur comuni albingane et portus ac hominibus eorum. Sic quoque comune nauli et homines eius teneantur. Et quicunque Saonensis et naulensis iurabunt compagnam semper teneantur facere iurare hanc concordiam in breui compagne. Penam posuerunt inter se quod quicumque locorum silicet Saone et Nauli non obseruauerit per omnia sicut superius scriptum est tunc pars negligens componat parti fidem seruanti nomine pene Mille Marchas Argenti sine omnium personarum contradicione de comuni utriusque loci ».
« Acta sunt hec in ecclesia sancte Marie de spulturno. presencia istorum infrascriptorum qui hec omnia iurauerunt corporaliter tactis sacrosanctis euangeliis bona fide obseruare et uoluerunt quod due carte inde sub eodem tenore et per a b c diuise fierent ».
« Ex parte uero Saonensium iurauerunt ista. Ionatha de ganfredo. Baldus rubeus. Ansaldus foldratus. Gulielmus grassus. Amedeus corsus. Bonauia de rustico. Astengus quondam balduini. Albertus [...] Gulielmus saragus. Philippus de villano. Gandulfus formica. bonus Iohannes sozopilus. et Gulielmus cera ».
« Ex parte autem Naulensium iurauerunt ista. Guillenzonus de guasco. burgatus Gandulfus de mabelia. Cunradus de flandino Gruzanus. baldizonus blancus. Naulascus gama. bonusuassallus cambiacauallus. Rubaldus pellacia. Gulielmus caira. baldus pignolus. Maifredus clericus. Nolascus magnonus. octauianus de saxo. Lafrancus carroza. Rainaldus de pellio. et Obertus saccus ».
« Ego Guido Mediolanensis notarius sacri palacii hec omnia ad memoriam retinendam rogatus scripsi et interfui ».
