Documento 40.14
Contenuto
-
Titolo
-
Documento 40.14
-
Data
-
1189, gennaio 20
-
Regesto
-
Convenzione tra il vescovo Ambrogio di Savona e i consoli di Noli, colla quale, allo scopo di porre un termine a vecchie controversie fra gli abitanti di Noli e quelli di Spotorno, si stabiliscono di comune accordo i rispettivi diritti sull'uso di certi boschi e terre confinanti.
-
Lingua
-
Latino medievale
-
Trascrizione
-
« In xpi nomine. Cum controuersia orta fuisset inter dominum Ambrosium Sagonensium episcopum et ex altera parte Comune nauli per suos consules uidelicet bonumuassallum raspacoriam. baldum pignolum. uillanum marruccum. Naulascum gamam super nemore et terris que continentur infra tales coherencias uidelicet a pino de voso (Voze) super de costa in costa usque fossatum de berzano. et sicut uadit fossatum de coreallo usque fossatum de plano roseto et infra usque mare et a Roseto per vallem usque ad belbam et usque vallem miliariensem et ab illo Loco per fossatum grossum usque ad vallem signi et ab illo Loco sicut uadit aqua signi usque ad Locum qui dicitur iarox et ab illo Loco usque ad collam mede (Bergeggi) et usque ad fossatum sancti Quirici et ab eo per castellarium usque ad mare. Que nemora et terras episcopus ad ecclesiam suam sancte Marie matrem (2) Sagonensis ciuitatis pertinere tam ratione possessionis quam proprietatis diceret. Et contra prefati Consules nauli hec diffiterentur. placuit iam dicto episcopo habito sepius diligenti consilio et tractatu tam cum Sapientibus quam cum vassallis et consulibus nouis et ueteribus et presertim clericis nec non et predictis consulibus cum consilio et uoluntate Sapientium et consiliariorum hominum et nouorum consilum de naulo iam dictam controversiam [...] bono Iohanne foldrato de Sagona. et Sorleono. et Iacobo caensal de naulo arbitris electis. et Arderico de bonate de ciuitate Mediolani [...] assessorem elegerunt procuratorem [...] tam super possessionem quam proprietatem defendendam comuniter. promiserunt itaque uicissim iam dicti episcopus et consules [...] quod per omnia obseruabunt quecunque prefati arbitri super iam dicta [...] controuersiam preceperint. Quibus peractis et uisa [...] inter predictum episcopum Sagonensium et comune de naulo [...] possessionem et potestatem utendi. et fruendi et glandes legendi habeant tam homines episcopi uidelicet homines de spelturno quam homines de naulo per omnes partes predictorum buscorum siue [...] Ita uidelicet ut non liceat neutri eorum terram ipsorum buscorum nec ligna fraudolose ita ut usus buscandi pereat. uendere aut aliquo modo alienare nec ad diuisionem prouocare. Sed licentia pateat episcopo de lignis ipsorum buscorum ad focum suum sine fraude sumere et hominibus etiam de spelturno nec non et hominibus de naulo similiter pateat de lignis predictorum buscorum ad proprium usum sumere. terre uero que arruncate sunt ab annis XL infra in dictis buschis solummodo ad predictum episcopum pertineant. ita ut liceat hominibus de spelturno ipsas colere. Si uero ad soluitudinem [...] ad usum buscandi liceat hominibus de naulo lignis uti sicut hominibus de spelturno. Ne uero runchi per homines de spelturno amplientur. liceat hominibus de naulo denunciacionem facere episcopo. ipsos runcos metis at terminis distinguere. Si autem de tempore quo arruncati fuerint predicti runchi controuersia orta fuerit. per duos homines arbitros Claude ha risposto: Amedeum de monte et baldum blancum cognoscatur.Amedeum de monte et baldum blancum cognoscatur. Comune de naulo non liceat de cetero a terminis uersus spulturnum uidelicet a fossato de airolo (?) et ultra ibidem [...] quatinus extenditur ea terra que modo culta est iuxta scriterium quod uadit usque ad mare et usque ad prodam de trexenda et usque ad (petram) falcunanam et usque ad (petram) paganam et usque ad planiciem et inde usque ad masseconum (?) et infra usque ad terram sancti paragorii. uersus spulturnum. homines episcopi de cetero impedire. et colere et arare. et buscare. Quas terras per comune confessi fuerint non possideri. et similiter nec eam terram et buscum qui est ab aqua corealli usque ad fossatum de berzono uersus naulum infra prescriptas coherencias non liceat comuni nauli impedimentum facere iam dicto episcopo nec hominibus suis. predicta quidem omnia que a iam dictis Arbitris et Arderico eorum assessore ordinata leguntur statuta sunt. Saluo iure sancti eugenii. et Sancti paragorii et M [...] et ferrariorum et omnium singulorum [...] et confestim predictos episcopus et consules nauli bonusuassallus raspacoria et baldus pignolus et villanus marrucus consensu et consilio predictorum consiliariorum utriusque partis uicissim sic stipul (antes) finem sibi ex causa transactionis fecerunt. unde quatuor carte uno tenore rogate sunt fieri per scribas Sagone et nauli ».
« Testes rogati Cunradus iudex. bencius iudex. vernettus iudex. vbertus iudex de mediolano. petrus Abbas sancti eugenii. presbiter Gulielmus de signo. Sismundus de quiliano. Giudus (?) episcopi [...] bonus Iohannes [...] baldus blancus [...] Actum intra ecclesiam sancti Mauricii de Signo. Anni domini millesimo centesimo LXXXVIII. Indicione VI. die XX Ianuarii ».
« Ego Girardus notarius rogatus hanc cartam scripsi ».
