Documento 26
Contenuto
-
Titolo
-
Documento 26
-
Data
-
1307, luglio 18
-
Regesto
-
Il capitano del popolo di Genova conviene che i nolesi non possano esser convenuti in giudizio davanti ad un giudice genovese.
-
Tradizione
-
Originale, così convalidato: «Extractum est ut sopra per me Francischum de Corvaria notarium».
-
Descrizione materiale
-
Pergamena, mm. 453 x 267 (376-51). Lavata e spianata, con lievi stuccature e rattoppo di parte tagliata, nel restauro del 1978-79.
-
Lingua
-
Latino medievale
-
Trascrizione
-
« In nomine domini amen. Super requisitione facta per dominum Opecinum spinulam de luculo Capitaneum Comunis et populi Ianuensis a dominis Papiniano de Adalasiis de pergamo Iudice Vicario et Assessore domini Potestatis Ianue et Bertholomeo de Cremona Iudice ad malefficia constituto. »
« Super eo, uidelicet an comune nauli seu sindicus dicti Comunis sub domino Potestate Ianue uel aliquo alio magistratu Ciuitatis et districtus conueniri possit occasione alicuius contractus initi extra Ianuam inter ipsum comune nauli seu sindicum dicti Comunis ex una parte, et aliquem Ianuensem, seu aliquos alios extraneos ex altera. »
« Consulunt dicti Sapientes concorditer. Visa conuentione facta inter comune Ianue ex una parte, et comune Nauli ex altera, tempore domini Guifreoti graselli tunc Potestatis Ianue, millesimo ducentesimo secundo, XVIII die aprilis, et auditis hiis quae allegare uoluerunt sindici dicti Comunis nauli, et citato Franceschino portonario, qui dicitur posuisse quoddam instrumentum executioni, contra dictum comune nauli et sindicum dicti Comunis, coram domino Franceschino de Vinde de parma Iudice rationis dicti domini Potestatis, et ipso Franceschino portonario minime comparente, nec aliquo pro eo. Quod predictum comune seu sindicus dicti Comunis conueniri non possit in Civitate Ianue uel districtu, Sub aliquo magistratu Ianue uel districtus de aliquo contractu inito extra Ianuam inter dictum comune nauli, seu sindicum eius ex una parte, et aliquem Ianuensem uel alium extraneum ex altera, nisi dictum esset in dicto contractu quod dictum Comune se constituit soluturum Ianue, uel nisi alias de Iure Comuni ex pacto, uel ex alia causa in Ianua de Iure conueniri deberet. »
« Anno millesimo trecentessimo septimo, die decimo octauo Iulii inter primam et terciam, Indictione quarta.
« Ianue in Palatio domini Abbatis populi Ianuensis, Dominus Opecinus spinula de luculo Capitaneus Comunis et populi Ianuensis secutus formam dicti consilii, laudauit, statuit et pronunciauit, ut in dicto consilio continetur, presente domino Gulielmo ferrario de Castro potestate Nauli. Testes Vgolinus scalpa notarius et Opizo Bertholoti de Vernacia ».
« Extractum est ut supra per me Francischum de Corvaria notarium. »
« Francischum de Corvaria »
