Documento 39.02
Contenuto
-
Titolo
-
Documento 39.02
-
Data
-
1181, ottobre 17
-
Regesto
-
Il marchese di Savona Enrico I, unitamente alla contessa sua moglie e ai suoi figli Oddone ed Enrico, stipula cogli uomini di Noli una convenzione, per la quale e data facoltà a questi ultimi di fortificare il borgo ed il castello di Noli, e sono determinati i diritti ancora spettanti ai marchesi.
-
Tradizione
-
Copia semplice dal cartolare del notaio Secondo
-
Lingua
-
Latino medievale
-
Trascrizione
-
« In christi nomine. Placuit domino Enrico marchioni saonensium et domine comitisse uxori eius. et suis filiis scilicet Odoni et Enrico facere conuentum cum consulibus Nauli. scilicet cum Rubaldo pellatia. et cum Rubaldo tederata. et cum Vilielmo capello. et cum Otone aurano. Talis conuentio inter eos facta est. ut deinceps consules nauli cum cunctis hominibus nauli habeant liberam potestatem faciendi omnia fortia in castro nauli et in burgo. et in paramuro que eis uisa fuerint necessaria. et que eis placuerit. scilicet stare in castro et in burgo. Item querimonia erat inter dominum marchionem et naulenses de pineta et de mercato et de molendinis. et de omnibus querimoniis quas faciebat de hominibus nauli. que omnia supradicta in pace eis remisit. Vt supradicti homines Nauli sine contradictione predicti marchionis Enrici et suorum heredum in pace habeant et possideant. saluo omni iure predicti marchionis. scilicet ut in mercato suam curariam habeat. et in porta et in ripa sicuti mos est. et ficta que ipse habet infra burgum et extra. et fodrum
et bandum sicuti in consuetudine est. Et omne predictum conuentum firmatum est per iusiurandum factum a domino Otone et ab Enrico fratre eius marchionibus cum iussione patris contra homines nauli et suos heredes. Et super (insuper) consules nauli. et ceteri homines qui in naulo habitant. fidelitatem predictis marchionibus et heredibus eorum facere debent. et omnia iura eorum supradicta marchionum saluare et custodire sicuti in bona consuetudine est. Et sacramentum marchionum tale est contra homines nauli. quod ipsi in omnibus partibus in quibus potestatem habent. debent saluare. et gardare et custodire personas et res eorum. Preterea si de hominibus nauli aliqui essent qui fidelitatem non fecissent ut in conuentione est. ex quo marchio fidelitatem eorum exegerit. quod ipsi facere debeant. si eius temporis fuerint. ut fidelitatem cognoscant ».
« Actum est hoc intra ecclesiam sancti paragorii de naulo feliciter. Anno domini. millesimo. centesimo. LXXXI. Indictione XIIII. VI decimo kalendas nouembris. Huius rei testes sunt. Iualdus de albuzola. Gumbertus iudex. Ogerius cunrencus. deilouolso de altare. Bosus de iustenexi. Rubaldus babolo de albingana. Obertus de Vasco. Sismundus de fulco. Oddo frater eius. Iacobus caensal. Iaunus Bonauia de maiorica. Sorleonus Aucepardus. Odo coxia. Baudus blancus. Sicardus de castello. Anselmus de sicardo ».
« Ego Girardus notarius post traditam compleui et reddidi ».
Cartulario del notaio Secondo, cancelliere del Comune di Noli
Documento 40.02
