Documento 39.07
Contenuto
-
Titolo
-
Documento 39.07
-
Data
-
1192, 10 agosto
-
Regesto
-
Patti e promesse stipulate fra il marchese di Savona Enrico II e gli uomini di Noli per la custodia del castello di Segno e per la reciproca difesa dei rispettivi possedimenti.
-
Tradizione
-
Copia semplice dal cartolare del notaio Secondo
-
Lingua
-
Latino medievale
-
Persone citate
-
Baldus Pignolus, console di Noli (1188 - 1189, 1193)
-
Bellusbrunus de Cassitio
-
Buonvassallo de Castello, console di Noli (1193)
-
Conrado Cornabarleta o Cornabarla
-
Gandolfo de Guasco o Vasco, console di Noli (1186, 1192-1193)
-
Giacomo Caensal o Caginsal
-
Guglielmo Bidellus o Bindellus, consigliere di Noli (1222)
-
Guastavino de Castello
-
Nolascus o Naulascus Gama, console di Noli (1188, 1192) e consigliere di Noli (1222)
-
Nolascus o Naulascus Magnous
-
Oddone, figlio di Enrico Guercius e marchese di Savona
-
Otto Curletus, console di Noli (1192 - 1193)
-
Pellegrino Beccus
-
Rubaldo Corsus
-
Trascrizione
-
« Anno dominice incarnationis M.C.LXXXII. Indictione X. Quarto idus augusti. In nomine domini nostri ihesu christi. Talia pacta et promissiones de custodia castri signi et eius comunione seu de aliis inter se placidis (sic) intercesserunt inter marchionem Enricum ex una parte. et consules naulenses pro communi de nauli ex alia parte. Quorum consulum nomina sunt hec. Gandulfus de guasco. Baldus pignolus. Otto curletus. Ad inuicem enim promisit una pars alteri castrum signi bona fide comuniter custodire ad utriusque partis utilitatem. omni dolo fraude que remota. Et custodes ad ipsum bona fide comuniter custodiendum. ad utriusque partis utilitatem eligere. Quod si de communibus custodibus eligendis non consenserint. tot habeat una pars custodes quot et alia. et non plures. Quos custodes pars utraque in utriusque partis presentia iurare faciat de ipso castro ad utriusque partis utilitatem bona fide custodiendo et utrisque cum uoluerint comuniter restituendo. Item predicti consules de nauli promiserunt pro communi de nauli marchioni Enrico. se nulli uendituros seu donaturos. seu quoquo modo alienaturos partem suam signi nisi ipsi domino Enrico. Hoc idem de sua parte ipse marchio Enricus predictis consulibus uersa uice pro communi se obseruaturum promisit. Eo tantum excepto. ut si in obitu suo aliquid de ipsa disponere voluerit. eam licentiam habeat. ita tantum ut nunquam in saonenses ipse marchio aut naulenses ullo tempore aut ingenio quoquo titulo possint castrum signi transferre. Si uero is ad quem pars eius post eius mortem ex sua dispositione uel ex successione peruenerit nollet naulensibus de ipsius castri signi custodia ad utriusque partis utilitatem sacramentum secundum quod in instrumento isto diffinitur prestare. tunc naulenses totum ipsum castrum signi habeant cum tota eius curia. et teneantur dare ei ad quem castrum deuenisset qui nollet sacramentum prestare. libras M.CCCCXVII ianue monete. Item promiserunt sibi ad inuicem iamdicte partes quod bona fide cum omnibus suis hominibus. et cum omnibus suis uiribus omnique fortia sua adiuuabunt se ad tenendum seu possidendum ad utriusque partis utilitatem predictum castrum signi. Et si aliqua istarum partium quod deus avertat aut ambe aliquo casu partem suam amitteret. teneantur similiter ad inuicem ad adiuuandum se. ut ipsum recuperare possint. Insuper promisit dominus Enricus consulibus naulensibus pro communi. quod ipse faciet iurare tot de hominibus suis quos habet in ualle de pia et de perticis et citra iugum. quot et quos naulenses uoluerint. quod si ipse marchio Enricus auferret uel auferre uellet naulensibus partem suam signi. quod ipsi bona fide adiuuabunt eos ad manutenendum uel recuperandum. et quod exinde etiam a fidelitate eos absoluet. Versa uice naulenses consules pro communi domino Enrico promiserunt quod facient iurare omnes homines nauli quos tamen uoluerit a quattuordecim annis supra fidelitatem ipsi domino Enrico. et de adiuuando eo ad manutenendas omnes suas possessiones quas habet citra iugum. et maxime partem suam castri signi. Et si amitteret. iuurent eum ad castrum. uidelicet partem suam recuperandum. Si uero ultra iugum guerram cum aliquo habuerit. promiserunt ei predicti consules naulenses pro communi. quod dabunt ei decem seruientes qui secum erint donec guerra in pacem peruenerit. aut dabunt ei decem libras ianue monete pro singulis mensibus. nisi eos seruientes ad libitum eius ei dederint. Item ambe partes ad inuicem promiserunt sibi. quod si guerram habuerint cum aliquo citra iugum. siue dominus Enricus eam habebit siue naulenses. siue utrique. iuuabunt se bona fide ad inuicem cum omnibus suis hominibus et cum tota fortia sua donec guerra ipsa in pacem perueniat. ita quod pars una sine uoluntate alterius pacem uel treugam nullo modo faciet. Si uero quod absit. discordia aliqua apparuerit inter dominum Enricum et naulenses. bona fide per iusticiam uel amicabilem concordiam per duos partium amicos infra dies uiginti diffiniatur. Ita enim sibi ad inuicem promiserunt. Insuper dominus Enricus naulensibus promisit se bona fide saluare et defendere omnes homines nauli ubicumque possit. et res eorum similiter. Versa uice naulenses idem de suis hominibus et eorum rebus domino Enrico promiserunt. ubicumque eos saluare possent. Preterea naulenses predicti consules pro communi nauli fecerunt finem et refutationem domino Enrico de omnibus ex quibus de eo conqueri possent. ea scilicet ratione. quod dicant eum fideiussisse pro domino Otone fratre suo de his que eis promisit seu conuenit cum guerram cum saonensibus habebant. Tali modo ne unquam ex ea fideiussione eum naulenses amodo possint conuenire scilicet dominum Enricum. Ad inuicem dominus Enricus fecit finem et refutationem naulensium consulibus pro communi de omnibus malefactis si qua aduersum eum usque modo commississent pro communi uel singulariter. ne amodo exinde commune nauli aut singulariter aliquem ea occasione possit conuenire ».
« Hec omnia que supra dicta sunt. tam dominus Enricus quam consules predicti de naulo comuni consilio suorum conciliatorum iuramento corporaliter prestito promiserunt bona fide perpetuo obseruare et attendere. omni dolo et fraude remota. Et hec sacramenta teneantur dominus Enricus et consules naulenses de quattuor in quattuor annos renouare. si pars una ab alia hoc requisierit. Nomina consiliariorum quorum consilio supradicti consules atque presentia preordinata peregerunt. hec sunt. Cunradus Cornabarleta. Iacobus caginsal. Bellusbrunus de cassitio. Bonusuassallus de castello. filius eius Guastauinus. Gulielmus bindellus. Nolascus gama. Rubaldus corsus. Nolascus magnonus. Peregrinus beccus ».
« Actum est hoc in ecclesia sancti Paragorii de nauli feliciter. Vbi fuerunt rogati testes dominus Guarnerius iudex de mediolano. Bonefacius de arguello. Girardus notarius de nauli ».
« Ego Raimundus dictus iudex de alba qui et notarius. his omnibus interfui. et ab domino henrico marchione et consulibus naulensibus rogatus. duo in hunc modum publica instrumenta ad memoriam retinendam et certitudinem de predictis faciendam conscripsi. quorum unum supradicto marchioni. aliud uero naulensibus consulibus tradidi ».
Cartulario del notaio Secondo, cancelliere del Comune di Noli
Documento 40.05
